మెగా స్టార్ చిరంజీవి స్వయంకృషితో అరుదైన గౌరవం.
*మెగా స్టార్.. గిన్నీస్ బుక్ ఆఫ్ వరల్డ్ రికార్డ్..!
*మెగాస్టార్ చిరంజీవి స్వయంకృషికి అరుదైన గౌరవం..!*
హైదరాబాద్: మెగాస్టార్ చిరంజీవి స్వ‌యం కృషితో ఉన్న‌త శిఖ‌రాల‌ను చేరి ఎంతో మందికి స్ఫూర్తిగా నిలిచారు. తాజాగా మెగాస్టార్‌కి మ‌రో గౌరవం ద‌క్కింది. గిన్నిస్ బుక్ ఆఫ్ వరల్డ్ రికార్డుల్లో చిరంజీవి పేరు న‌మోదైంది.
ఈ విష‌యాన్ని తెలియ‌జేస్తూ హైదరాబాద్ లోని ఓ హోట‌ల్‌లో ఈ రోజు ప్ర‌త్యేక కార్య‌క్ర‌మాన్ని ఏర్పాటు చేశారు. ఈ కార్య‌క్ర‌మంలో ఇందుకు సంబంధించిన సర్టిఫికెట్‌ను బాలీవుడ్ స్టార్ హీరో, మిస్ట‌ర్ ప‌ర్‌ఫెక్ట్ అమీర్ ఖాన్ చేతుల మీదుగా చిరంజీవి అందుకున్నారు.
డాన్స్‌కి కేరాట్ అడ్ర‌స్‌గా నిలిచారు చిరంజీవి. ఆరు ప‌దుల వ‌య‌సులో కూడా అదే ఎనర్జీ, గ్రేస్‌తో డ్యాన్స్ చేస్తున్నారు. ఈ క్ర‌మంలో 143 మూవీల్లో 537 పాట‌ల్లో 24000 స్టెప్పులు వేసినందుకు గానూ మెగాస్టార్ గిన్నిస్ బుక్ లోకి ఎక్కారు.
చిరంజీవి పేరు గిన్నిస్ బుక్ ఆఫ్ వరల్డ్ రికార్డ్స్‌లో ఎక్క‌డంలో మెగా అభిమానుల ఆనందానికి అవ‌ధులు లేకుండా పోయాయి.
డ్యాన్సుల్లో గిన్నిస్ రికార్డ్ సాధించిన.. తొలి నటుడిగా మెగాస్టార్ చిరంజీవి రికార్డ్..
