హైదరాబాద్ లో అందుబాటులోకి రానున్న మరో అద్భుతమైన ఫ్లై ఓవర్.*
జనవరి6 న ఆరాంఘర్ నుండి జూపార్క్ వరకు చేపట్టిన ఫ్లైఓవర్ ను ప్రారంభించనున్న సిఎం*
మరింత *మెరుగైన రవాణా వ్యవస్థ అభివృద్ధికి రూ.7032 కోట్లతో పరిపాలన అనుమతి*
*కే బి ఆర్ చుట్టూ అండర్ పాసులు, ఫ్లైఓవర్ల నిర్మాణాలకు శ్రీకారం*
*హైదరాబాద్ లో అందుబాటులోకి రానున్న మరో అద్భుతమైన ఫ్లై ఓవర్.*
*హైదరాబాద్, జనవరి05:-* గ్రేటర్ హైదరాబాద్ లో రవాణా వ్యవస్థను మెరుగు పరిచేందుకు ఎస్.ఆర్.డి.పి ద్వారా చేపట్టిన ఫ్లైఓవర్లు ఒక్కొక్కటీ అందుబాటులోకి వస్తున్నాయి. ఎస్.ఆర్.డి.పి ద్వారా 42 పనులలో ఇప్పటి వరకు 36 పనులు పూర్తయ్యాయి. జూపార్కు నుండి ఆరాంఘర్ వరకు చేపట్టిన ఆరు లేన్ల అతిపెద్ద ఫ్లైఓవర్ గా అందుబాటులోకి రానున్నది. ఈ ఫ్లై ఓవర్ ను రాష్ర్ట ముఖ్యమంత్రి జనవరి6 న ప్రారంభించ నున్నారు.
నగరంలో పివి నరసింహారావు ఫ్లైఓవర్ తర్వాత రెండో ఫ్లై ఓవర్ గా నిలుస్తుంది. 23వ ఫ్లై ఓవర్ అందుబాటులోకి రానున్నది. రూ.736 కోట్ల అంచనా వ్యయంతో సుమారు 4 కిలోమీటర్ల పై బడిన పొడవు గల 6 లేన్ల ఫ్లై ఓవర్ ను చేపట్టారు. ప్రధాన ఫ్లైఓవర్ పనులు పూర్తి అయ్యినందున ముఖ్యమంత్రి జనవరి 6 సోమవారం ప్రారంభించనున్నారు. ఇంతకు ముందు బైరమల్ గూడ సెకండ్ లెవెల్ ఫ్లైఓవర్ ను ముఖ్యమంత్రి ప్రారంభించిన విషయం తెలిసిందే.
సికింద్రాబాద్, వరంగల్ ఉమ్మడి జిల్లా, హుజురాబాద్, భువనగిరి, మేడ్చల్, మల్కాజ్ గిరి వాసులకు శంషాబాద్ విమానాశ్రయానికి వరకు అక్కడి నుండి తిరుగు ప్రయాణంలో ఆయా ప్రాంతాలకు వెళ్లేందుకు సిగ్నల్ ఫ్రీ రవాణాకు వెసులుబాటు కలదు. ఉప్పల్ నుండి నాగోల్, కామినేని, ఎల్ బి నగర్ జంక్షన్, బైరమల్ గూడ, (ఓవైసీ జంక్షన్) అబ్దుల్ కలాం ఫ్లైఓవర్, చాంద్రాయణ గుట్ట ఫ్లై ఓవర్ ట్రాఫిక్ అంతరాయం లేకుండా వేగంగా నిర్దేశించిన సమయంలో చేరవలసిన గమ్యస్థానానికి చేరుకోవడంతో పాటు తక్కువ ఇంధన వాడకం, కాలుష్య రహితంగా వెళ్లేందుకు వాహనదారులకు ఎంతగానో ఉపయోగపడుతుంది. రాష్ట్ర ప్రభుత్వం హైదరాబాద్ ఇమేజ్ ను మరింత పెంచేందుకు ఫ్లై ఓవర్లు దోహద పడతాయని చెప్పవచ్చు.
అంతేకాకుండా ఇమ్లిబన్ బస్ స్టేషన్ నుండే ఆర్టీసీ బస్సులతో పాటు ప్రవేటు బస్సులు ఇతర వాహనాలు రోజుకు 1700 నుండి 2000 వరకు రోజు ఇతర ప్రాంతాలకు వెళుతుంటాయి. ఆరాంఘర్ నుండి జూ పార్కు వరకు ట్రాఫిక్ సమస్య లేకుండా నేరుగా వెళ్లేందుకు ఆరు లేన్ల అతి పెద్ద ఫ్లైఓవర్ నిర్మాణం చేపట్టారు. హైదరాబాద్ లో పివీ నరసింహారావు ఎక్సప్రెస్ ఫ్లై ఓవర్ 4 లైన్ల ఫ్లైఓవర్ కాగా ఆరాంఘర్ ఫ్లై ఓవర్ ఆరు లైన్ల తో 4 కిలోమీటర్ల పైగా పొడవుతో చేపట్టగా ఎస్ ఆర్ డి పి ద్వారా చేపట్టిన అతిపెద్ద ఫ్లై ఓవర్ గా నిలుస్తుంది.
ఈ నేపథ్యంలోనే ఆరాంఘర్ ఫ్లై ఓవర్ ప్రధాన ఫ్లై ఓవర్ ను ప్రారంభించడంతో వాహన దారులకు ఇబ్బందులు తొలగి పోనున్నాయి. ఈ ఫ్లైఓవర్ కు సంబంధించిన మిగతా పనులు ఇరువైపులా ర్యాంపులు, సర్వీస్ రోడ్డు వచ్చే మార్చి, 2025 వరకు పూర్తి చేసేందుకు అవసరమైన మేరకు అన్ని చర్యలు తీసుకున్నారు. ఈ నేపథ్యంలో ఎస్.ఆర్.డి.పి పనులు యుద్ధ ప్రాతిపదికన మొత్తం పనులు డిసెంబర్, 2025 వరకు పూర్తి చేసేందుకు అవసరమైన అన్ని చర్యలు తీసుకున్నారు. ఎస్.ఆర్.డి.పి ద్వారా చేపట్టిన 42 పనులలో 22 ఫ్లై ఓవర్లు, 5 అండర్ పాస్ లు, 6 ఆర్ ఓ బి లు మరో మూడు వివిధ రకాల పనులు ఇప్పటికే పూర్తయ్యాయి.
ప్రజాపాలన – ప్రజా ప్రభుత్వంలో హైదరబాద్ ఇమెజ్ ను అంతర్జాతీయ స్థాయిలో ప్రసిద్ధి గావించే నేపథ్యంలో రాష్ర్ట ముఖ్యమంత్రి హైదరాబాద్ అభివృద్ధికి ప్రత్యేక దృష్టి సారించారు. ఈ నేపథ్యంలో హైద్రాబాద్ లో వ్యూహాత్మక పధకాలను ఒకే గొడుగు క్రిందికి తెచ్చి సమగ్ర ప్రగతి చేసేందుంకు హెచ్ సిటి ( హైదరాబాద్ సిటీ ఇన్ఫ్రాస్ట్రక్చర్ ట్రాన్స్పరెన్సీ ఇన్నోవేటివ్ ) ద్వారా 7032 కోట్లు రూపాయలతో 38 పనులను చేపట్టేందుకు పరిపాలన అనుమతి ఇవ్వడం జరిగింది.ఇట్టి నిధులతో సుమారు38 పనులైనా ఫ్లై ఓవర్లు, ఉండర్ పాస్ లు అర్ ఓ బి లు చేపట్టనున్నారు ఇట్టి పనులను యుద్ధ ప్రాతిపదికన పూర్తిచేయాలని ముఖ్యమంత్రి రేవంత్ రెడ్డి అధికారులను ఆదేశించారు. హైదరాబాద్ ప్రధాన కేంద్రంగా ఉన్న కే బి అర్ పార్కు నలు దిక్కుల 4 జంక్షన్ లా వద్ద ట్రాఫిక్ జామ్ లేకుండా నేరుగా వెళ్లేందుకు ప్రతి జంక్షన్ వద్ద ఒక అండర్ పాస్ తో కలిసి ఫ్లై ఓవర్ మొత్తం 4 ఫ్లై ఓవర్ లు. మరో 4 అండర్ పాసులు నిర్మాణాలు పూర్తయితే హైదరాబాద్ రూపు లేఖలు మారి పోయే అవకాశం ఉంటుంది అందుకు ప్రజా ప్రభుత్వంలో పెద్ద పేట్ వేసి సంవత్సరం లోపు పూర్తి చేసేందుకు టెండర్ పక్రియ త్వరలో పూర్తి చేసి పనులను కూడా ప్రారంభించేందుకు అన్ని ఏర్పాట్లు చేశారు.
*హెచ్ సిటి ద్వారా చేపట్టనున్న అభివృద్ధి పనులు:*
*ఖైరతాబాద్ జోన్:*
1. *ప్యాకేజీ I:* కేబీఆర్ పార్కు వద్ద ఆరు జంక్షన్లలో గ్రేడ్ సపరేటర్, అండర్ పాస్ నిర్మాణం
ఎ) కేబీఆర్ పార్కు ముఖ ద్వారా జంక్షన్
బి) జూబ్లీహిల్స్ చెక్ పోస్ట్ జంక్షన్
2. *ప్యాకేజీ II:*
కేబీఆర్ పార్కు వద్ద ఆరు జంక్షన్లలో గ్రేడ్ సపరేటర్, అండర్ పాస్ నిర్మాణం.
సి) రోడ్ నెం.45 జంక్షన్
డి) ఫిలిం నగర్ జంక్షన్
ఇ) అగ్రసెన్ జంక్షన్
ఎఫ్) క్యాన్సర్ హాస్పిటల్ జంక్షన్
3. రేతిబౌలి జంక్షన్ నుండి నానల్ నగర్ జంక్షన్ వరకు మల్టీలెవల్ ఫ్లైఓవర్ నిర్మాణం
4. *ప్యాకేజీ III:*
ఎ) జూబ్లీహిల్స్ ఎన్.ఎఫ్.సి జంక్షన్ వద్ద ఫస్ట్ లెవల్ వన్ వే ఫ్లైఓవర్ నిర్మాణం
బి) టివి9 జంక్షన్ వద్ద 3 లేన్ యుని డైరెక్షనల్ అండర్ పాస్ నిర్మాణం.
5. విరించి హాస్పిటల్ జంక్షన్ నుండి జూబ్లీహిల్స్ చెక్ పోస్ట్ వరకు 100 ఫీట్లు, 120 ఫీట్ల రోడ్డు విస్తరణ పనులు
*శేరిలింగంపల్లి జోన్:*
6. *ప్యాకేజీ IV:* ట్రీ జంక్షన్ వద్ద మల్టీలెవల్ ఫ్లైఓవర్ నిర్మాణం
ఎ) ఖాజా గూడ జంక్షన్
బి) ఐఐఐటి జంక్షన్
సి) విప్రో జంక్షన్
7. మియాపూర్ ఎక్స్ రోడ్ నుండి ఆల్వీన్ క్రాస్ రోడ్ వరకు 3 లేన్ల బై డైరెక్షన్ ఫ్లైఓవర్ తో పాటు లింగంపల్లి నుండి గచ్చిబౌలి వైపు 3 లేన్ల అండర్ పాస్ నిర్మాణం.
8. శేరిలింగంపల్లి రైల్వే స్టేషన్ వద్ద ఆర్.ఓ.బి నిర్మాణం.
9. అమీన్ పూర్ వద్ద 150 ఫీట్ల రోడ్డు విస్తరణ పనులు
10. సైబరాబాద్ పోలీస్ కమీషనర్ ఆఫీస్ నుండి గచ్చిబౌల్ జంక్షన్ వరకు 215 ఫీట్ల రోడ్డు విస్తరణ పనులు
11. అంజయ్య నగర్ నుండి రాంకీ టవర్ వరకు 150 ఫీట్ల రోడ్డు విస్తరణ పనులు
*కూకట్ పల్లి జోన్:*
12. అమీర్ పేట్ వద్ద 3 లేన్ల ఎల్.హెచ్.ఎస్ ఫ్లైఓవర్, కూకట్ పల్లి వై జంక్షన్ వద్ద ఆర్.హెచ్.ఎస్ ఫ్లైఓవర్ నిర్మాణం
13. పైప్ లైన్ వద్ద 4 లేన్ల స్టీల్ బ్రిడ్జి నిర్మాణం.
*సికింద్రాబాద్ జోన్:*
14. రసూల్ పుర వద్ద 4 లేన్ల ఫ్లైఓవర్ డిపాజిట్ వర్క్స్
15. పాటిగడ్డ వద్ద ఆర్.ఓ.బి నిర్మాణం డిపాజిట్ వర్క్స్
16. ఆర్.కె పురం వద్ద ఆర్.ఓ.బి నిర్మాణం డిపాజిట్ వర్క్స్
17. ఆర్.కె పురం వద్ద ఆర్.యు.బి నిర్మాణం డిపాజిట్ వర్క్స్
18. చిల్కల్ గూడ ఆర్.యు.బి డిపాజిట్ వర్క్స్
19. ఏ.ఓ.సి సెంటర్ వద్ద ప్రత్యామ్నయ రోడ్డు నిర్మాణం
*ఎల్బీనగర్ జోన్:*
20. టి.కె.ఆర్ కాలేజ్ జంక్షన్ నుండి గాయత్రి నగర్ జంక్షన్ మీదుగా మంద మల్లమ్మ జంక్షన్ వరకు 3 లేన్ల యుని డైరెక్షనల్ ఫ్లైఓవర్ నిర్మాణం.
*చార్మినార్ జోన్:*
21 *ప్యాకేజీ V:*
ఎ) ఓవైసీ ఫ్లైఓవర్ సంతోషన్ నగర్ వైపు ఎడమ వైపు డౌన్ ర్యాంప్ నిర్మాణం
బి) హఫీజ్ బాబా నగర్ జంక్షన్ నుండి బాలాపూర్ చర్చ్ రోడ్ జంక్షన్ వరకు 6 లేన్ల బై డైరెక్షనల్ గ్రేడ్ సపరేటర్ నిర్మాణం.
సి) బండ్లగూడ నుండి ఎర్రకుంట క్రాస్ రోడ్ జంక్షన్ వరకు 6 లన్ల బై డైరెక్షనల్ ఫ్లైఓవర్ నిర్మాణం.
22. మైలార్ దేవ్ పల్లి జంక్షన్ నుండి కాటేదాన్ జంక్షన్ వరకు 6 లేన్ల బై డైరెక్షనల్ గ్రేడ్ సపరేటర్
23. ఆరాంఘర్ జంక్షన్ వద్ద రెండు లేన్ల ఆర్.యు.బి నిర్మాణం.
24. *ప్యాకేజీ:VI*
ఎ) ఆజీం హోటల్ నుండి చర్చ్ గేట్ వరకు 80 ఫీట్ల రోడ్డు విస్తరణ పనులు
బి) చాంద్రాయణ గుట్ట ఎక్స్ రోడ్ నుండి చాంద్రాయణ గుట్ట పోలీస్ స్టేషన్ మీదుగా బార్కాస్ వరకు 60 ఫీట్ల రోడ్డు విస్తరణ పనులు
సి) లక్కీ స్టార్ హోటల్ నుండి హఫీజ్ బాబా నగర్ మీదుగా చార్మినార్ జోనల్ ఆఫీస్ వరకు 60 ఫీట్ల రోడ్డు విస్తరణ పనులు
డి) తులసీ నగర్ నుండి గౌస్ నగర్ వరకు 100 ఫీట్ల రోడ్డు విస్తరణ పనులు
25. *ప్యాకేజీ: VII*
ఎ) బెంగళూరు రహదారి నుండి శాస్త్రీ పురం జంక్షన్ వరకు 100 ఫీట్ల రోడ్డు విస్తరణ
బి) శాస్త్రీపురం జంక్షన్ నుండి ఇంజన్ బౌలి వరకు 100 ఫీట్ల రోడ్డు విస్తరణ పనులు
—————————————————————–
