*హన్మకొండ*

*తేదీ: 05.09.2024*

*మట్టి గణపతుల పంపిణి కార్యక్రమం వాల్ పోస్టర్ ఆవిష్కరించిన ఎంపీ డా. కడియం కావ్య…..*


జల వనరులతో పాటు పర్యావరణం కలుషితం కాకుండా ఉండాలంటే ప్రతీ ఒక్కరూ మట్టి గణపతులనే పూజించాలని వరంగల్ పార్లమెంట్ సభ్యురాలు డాక్టర్ కడియం కావ్య గారు అన్నారు.

ప్రపంచ పర్యావరణ సంస్థ ఆధ్వర్యంలో మట్టి గణపతుల పంపిణి కార్యక్రమం వాల్ పోస్టర్ ను హన్మకొండ కనకదుర్గ కాలనిలోని ఎంపీ గారి నివాసంలో ఎంపీ డాక్టర్ కడియం కావ్య గారు ఆవిష్కరించారు.

ఈ సందర్బంగా ఎంపీ గారు మాట్లాడుతూ పర్యావరణాన్ని పరిరక్షించడం ప్రతి ఒక్కరి బాధ్యత అని గుర్తు చేశారు. ప్లాస్టర్ ఆఫ్ ప్యారిస్ తో కూడిన విగ్రహాల వల్ల పర్యావరణానికి హాని చేకూరుతుందని, విగ్రహాలను నిమజ్జనం చేస్తే నీరు కలుషితం అవుతుందన్నారు. దీనిని దృష్టిలో పెట్టుకుని ప్రపంచ పర్యావరణ సంస్థ క్రమం తప్పకుండా మట్టి విగ్రహాలను రూపొందిస్తూ ప్రజలకు పంపిణీ చేస్తుండడం అభినందనీయమన్నారు. ప్రజలు కూడా పర్యావరణ హితం కోసం మట్టి గణపతులనే ప్రతిష్టించాలని హితవు పలికారు.